Ka Alloh abdi nyalindung, tina panggodana setan.
Kalayan asma Nu Agung, Alloh Anu Welas Asih.
-Alloh-
1. ALLOH ANU MAHA UNINGA (:2/1,2)
mungguhing urang manusa, wajib kedah percantenna.
upami urang mihamham, tangtos urang buntu laku.
nu mawi lumungsur Qur’an, pikeun tuduh jalan iman.
solatna teh tara pegat, ku Alloh tangtos dirahmat.
2. SILIH BAGI REJEKI (:2/2,3,4)
Mun urang nampi rejeki, rejeki pabagi-bagi,
sasama ge kabagean, rejeki silih agehan.Jelema nu iman mu’min, panceg percaya tur yakin,
kitabulloh nu baheula, eta ge dawuh Mantenna.Jelema nu iman mu’min, yakinna aenal yakin,
yen engke teh hirup deui, bakal deuheus ka Ilahi.
3. PITUDUH TI ALLOH SWT (:2/5)
hirupna kenging panungtun, henteu lesot ti panuyun.
mulus salamet hirupna, kenging pituduh Mantenna.
moal sasar katambias, moal hamham moal waswas.
4. ULAH NGABEDUL (:2/6,7)
Jelema anu mantangul, hirup nyuruntul ngabedul,
hese dibere pepeling, langlang-lingling lir teu eling.Mangeran kana napsuna, ngagugulung kahayangna,
aturan kabeh dirumpak, ngaruksak jeung ngagalaksak.Lajeng ku Alloh ditutup, kalbu dibulen dirungkup,
hatena teh ditulakan, pangreungeuna dicocokan.Batin jadi kurunyinyi, tebih ti hidayah Gusti,
cilaka estu cilaka, jalma nu kitu lampahna.
5. GANCANG OMEAN (:2/8,9)
padahal gagaleongan, kaimanan reureundahan.
ari lampah euwah-euwah, kitu salah kieu salah.
gancang menta dihampura, ka Alloh Maha Kawasa.
tapi tong peunggas harepan, nu salah gancang omean.
6. SIPATNA JELEMA ANU MUNAPEK (:2/10,11)
Jalma munapek sipatna, mun leukeun nitenanana,
sok resep nyieun alesan, keur nutupan kasalahan,Kasalahan diteumbleuhkeun, geugeuleuh dika-baturkeun,
hatena pinuh werejit, kotor jeung pinuh rurujit.Mun hareupeun ngomong hade, tukangeun mah ngalelewe,
nu kitu tong jadi sobat, sabab mindeng ngahianat.
7. ULAH JALIR JANGJI (:2/12,13)
subaya kedah cumponan, sabab eta kahormatan.
reujeung ngaruksak pribadi, henteu ngajenan ka diri.
hirupna moal jamuga, bakal pinanggih tunggara.
8. NGAJAGA LETAH (:2/14)
Kade jaga eta letah, sabab mindeng mawa salah,
seukeutna leuwih ti pedang, raheutna matak gudawang.Loba nu meunang cilaka, lantaran tina ngomongna,
ngomong teu dipikir heula, tangtu hanjakal ahirna.Ngomong ngabuih ngabudah, mindingan lampah nu salah,
ngaku-ngaku iman takwa, padahal reka perdaya,Iman ukur kaheureuyan, kawas bunglon lolondokan,
kitu peta salah pisan, kudu gancang dijauhan.
9. ULAH NGAHEUREUYKEUN AYAT (:2/15,16)
dipake ocon guguyon, kitu peta estu awon.
jeung moal kenging sapa’at, sabab ngaheureuykeun ayat.
sangkan urang ulah rugi, hirup jadi ngandung harti.
sangkan hirup ulah rugi, tur kenging rido Ilahi.
10. PALITA ANU TEU CAHAYAAN (:2/17,18)
Kuma pibakaleunana, lamun pareng hiji mangsa,
urang teh nyeungeut palita, tapi teu caang sinarnaKotret deui cekres deui, ngahurungkeun korek api,
pareum deui pareum deui, poek deui poek deui.Rajeun palitana hurung, tapi kalah tambah bingung,
sabab cahayana musna, poek mongkleng buta rata.Kitu minangka misilna, nu munapek ibaratna,
lolong lahir jeung batinna, sasab dunya aheratna.
pertamaaaaaaaaaaxxxxxxxzzz
pertamaaaaaaaaaaxxxxxxxxzzzzzzzz
nebeng pertamaaaaaaaaaaaxxxx 😆
hmm.. mas Blangkon ini dari mana yaaaa.. kok kayanya orang sunda juga dipalih mana mas
salam sayang
iya katinggalnamah mas Blangkon teh urang sunda .. he he 🙂
janten emut mangsa nuju budak keneh .. diajar nadoman kanggo imtihan ..
Muhun kang 🙂 … pribados mah urang lembur bau lisung … tiasa ngenet oge mun upami nyaba ka kota janten hatur punten teu tiasa langsung ngabales komen-na
SAHABATKU RAIH FITRAH DIRI menjadi MANUSIA SEUTUHNYA UNTUK MENGEMBALIKAN JATI DIRI BANGSA
Salam Cinta Damai dan Kasih Sayang ‘tuk Sahabat Sahabatku terchayaaaaaank
I Love U fulllllllllllllllllllllllll
Kekasih Sejati yang setia selalu.. DIA rela menunggu walau kita selalu menykiti hatiNYA.. dengan salah dan DOSA.. subhanalllllaaaaah.. DIA MENUNGGUMU.. TANGANNYA SELALU TERULUR MENANTIKAN KITA SEMUA.. YANG MAU KEMBALI KEPADANYA
SALAM SAYANG
Salam Cinta Damai dan Kasih Sayang ‘tuk Sahabat Sahabatku terchayaaaaaank
I Love U fullllllllllllllllllllllllllllllll
panaaaaaaaaaaaaaaasssssssss
kunaon kang …? 🙂
Ping-balik: NADOMAN NURUL HIKMAH, DARAS I & II « Ngamumule Bahasa Sunda
Assalamu’alaikuum…
Nyuhunkeun widi akang bade ngiringan nyalin. hatur nuhun.
http://sundakiwari.wordpress.com
Assalamu’alaikuum…
Sami abdi oge bade nyuhunkeun widi akang bade ngiringan nyalin. hatur nuhun.
Assalamu’alaikum..
nyungkeun widi oge kanggo nyalin. nuhun kapihatur
Alhmdllah kaanggo pisan nadzomanna, panyuhunkeun supdos d tambih deui bait nadzomna, mdh2n sing ageung manfa’atna,Amin..
KANG NADOMAN NYUHUNKEN DI COPY KENGENG